ක්‍රයිස්ට්චර්ච් ප්‍රහාරකයා අධිකරණය හමුවට

views 711 2019-06-14 06:13:00 world

ක්‍රයිස්ට්චර්ච් ප්‍රහාරකයා යළිත් අධිකරණය හමුවට ඉදිරිපත් කර ඇත.

විදෙස් මාධ්‍ය වාර්තා කළේ ප්‍රහාරකයා ඔහුට එරෙහිව ගොනුකර ඇති ඇතැම් චෝදනා ප්‍රතික්ෂේප කර ඇති බවයි.

නවසීලන්තයේ ක්‍රයිස්ට්චර්ච්හිදී මුස්ලිම් ජාතිකයින් 51 දෙනෙකුට ජීවිතය අහිමිකරමින් වෙඩි ප්‍රහාර එල්ලකළ ප්‍රහාරකයා  ක්‍රයිස්ට්චර්ච් අධිකරණය වෙත ඉදිරිපත් කෙරුණි.

වෙඩි ප්‍රහාරය එල්ල කළ ඔස්ට්‍රේලියානු වැසියෙකු වන 29 හැවිරිදි බ්‍රෙන්ටන් ටැරන්ට්ට එරෙහිව මනුෂ්‍ය ඝාතන ඇතුළුව චෝදනා කිහිපයක් යටතේ නඩු පවරා ඇති බව සඳහන්ය.

කෙසේ වෙතත් අධිකරණය හමුවේ ගොනුකර ඇති සියලුම චෝදනා සම්බන්ධයෙන් තමා වැරදිකරු නොවන බව ඔහු පවසා ඇත.

අන්තවාදී මත දරන බ්‍රෙන්ටන් ටැරන්ට් සිය ප්‍රහාරය එල්ල කරන ආකාරය ෆේස්බුක් සමාජ ජාලය හරහා සජීවීව විකාශය කිරීමට කටයුතු කළේය.

ඔහු මුස්ලිම් පල්ලිය වෙත පා ගමනින් පැමිණීමේ පටන් වෙඩි ප්‍රහාර විශාල සංඛ්‍යාවක් එල්ල කර නිදහසේ පල්ලියෙන් ඉවත්ව යන ආකාර එහි පැහැදිලිවම දර්ශනය වූ අතර එය ලෝකයේ සමාජ මාධ්‍ය සම්බන්ධයෙන් පවතින නීති රීති පිළිබඳවත් පුළුල් කථිකාවතක් නිර්මාණය කළේය.


(under the courtesy of adaderana.lk news web)

පුවත්

Recent Post