ගාලු උරුමයත් සුද්දන්ට විකිණෙයි..ගොඩනැගිලි සියයකට අධික ප්‍රමාණයක් විදේශිකයෝ මිලට ගනිති

views 604 2018-12-06 03:09:00 news

ගාලු කොටුවේ ගොඩනැගිලි සියයට අධික සංඛ්‍යාවක් මේ වනවිට විදේශීකයින් විසින් මිලට ගෙන ඇති බවත් මෙයට පෙර තුන් දහසකට ආසන්න ජනගහණයක් සිටි කොටුවේ ජනගහණය ද එක් දහස් පන්සියකටත් වඩා අඩුවී ඇති බවත් ගාලු උරුමය පදනම පවසයි.

තැරැව්කරුවන්ගේ මැදිහත්වීම නිසා කොටුවේ පර්චසයක් මේ වනවිට රුපියල් එක්කෝටි හැත්තෑ ලක්ෂයක් පමණ වන බවද නඩු තිබෙන ගොඩනැගිලි ද තැරැව්කරුවන් විසින් විදේශිකයින්ට රවටා විකිණිම නිසා ඒවා මිලට ගෙන ඇති විදේශිකයින් ගැටලු රැසකට මුහුණ තිබේ. ඒ හේතුව නිසා ආයෝජකයින්ගේ පැමිණීමේ අඩුවක් දක්නට ලැබෙන බවද ගාලු උරුමය පදනමේ නිලධාරියකු පැවසීය.

එම නිලධාරියා වැඩිදුරටත් පැවසුවේ රජයේ ආයතන පවත්වා ගෙන යන ගොඩනැගිලි 37 ඇතුළු ගොඩනැගිලි හාරසිය පනහක් පමණ කොටුවේ තිබෙන අතර ඒවායින් සියයකට අධික ප්‍රමාණයක් මේ වනවිට මෙසේ විදේශිකයින් විසින් මිලට ගෙන සංචාරක ව්‍යාපාර පවත්වාගෙන යන බවයි.

නාගරික සංවර්ධන අධිකාරිය හා පුරාවිද්‍යා දෙපාර්තමේන්තුව පැරණි ගොඩනැගිලි විනාශ කරන ලද අයට එරෙහිව නීතිය ක්‍රියාත්මක කරනු ලබන අතර මේ වන විටද එවැනි නඩු කිහිපයක් පවරා තිබේ. මෙම ගොඩනැගිලි ලන්දේසි සහ ඉංග්‍රිසි යුග වලට අයත් පුරා විද්‍යාත්මක වටිනා කමින් යුත් ඒවාය.

lanka lead news

පුවත්

Recent Post