ජනපතිගෙන් අහන ප්‍රශ්න කලින් දීලා

views 591 2018-07-12 05:48:00 news

ජනාධිපති මෛත්‍රීපාල සිරිසේන මහතාගේ ප්‍රධානත්වයෙන් ඊයේ (11දා) පැවති යටිනුවර කොටලිගොඩ උතුර ග්‍රාමසේවක වසමේ ග්‍රාමශක්ති ජාතික වැඩසටහනේදී තම ගම්මානවල ගැටලු හා ප්‍රශ්න ජනාධිපතිවරයාගෙන් ඇසීමට  ඉඩ නොදුන් බව කියමින් කොටලිගොඩ උතුර ග්‍රාමසේවක වසමේ ග්‍රාම ශක්ති ජාතික ව්‍යාපාරයේ ලේකම්වරයා ඇතුළු ගම්වාසීහු කිහිප දෙනෙක් එම වැඩසටහන අවසානයේදී විරෝධය පෑහ.


එහි සිටි රජයේ නිලධාරීන් විසින් ජනාධිපතිවරයාට ඉදිරිපත් කිරීමට තමන්ට ප්‍රශ්න ලබා දුන් බවත් තමන් පදිංචි ප්‍රදේශයේ සුසාන භූමිය සම්බන්ධව ගැටලුවක් ඉදිරිපත් කිරීමට එය සංවිධාන කළ රාජ්‍ය නිලධාරීන් ඉඩ නොදුන් බවද එහිදී ඔවහු පැවසූහ.

මේ සම්බන්ධව මධ්‍යම පළාත් ප්‍රධාන අමාත්‍ය සරත් ඒකනායක මහතා ප්‍රකාශ කර සිටියේ ඊයේ (11දා) උත්සවය අවසානයේ ඇති වූ කලහකාරී තත්ත්වය කාගේ හෝ උසිගැන්වීමකට අනුව සිදු කළ එකක් බවයි.

(under the courtesy of srilankamirror.lk news web)

පුවත්

Recent Post