බයිසිකලයෙන් තරඟ කළ මන්ත්‍රීන්ගේ පත්වීම් බල රහිත කරන ලෙස ඉල්ලා ගොනු කළ පෙත්සම කල් යයි

views 528 2018-05-16 02:54:00 news

මහරගම නගර සභාව සදහා තේරී පත්වූ මෝටර් සයිකලයෙන් තරග කළ ස්වාධීන කණ්ඩායමේ සාමාජිකයන් නාගරික මන්ත්‍රීවරුන් ලෙසට කටයුතු කිරීමට නුසුදුසුකම් ලබන බවට ප්‍රකාශයට පත් කරන ලෙසට ඉල්ලා අභියාචනාධිකරණයේ රිට් පෙත්සමක් ගොනු කර තිබෙනවා.

එම පෙත්සම අද (16) දින අභියාචනාධිකරණයේදී කැදවු අවස්ථාවේ මැතිවරණ කොමිෂන් සභාවේ සභාපති, එම කොමිෂන් සභාවේ සාමාජිකයන් සහ මහරගම නගර සභාවට තේරී පත් වූ නාගරික මන්ත්‍රීවරුන් 23 ට ජූනි මස 28 දා අධිකරනයේ පෙනී සිටීමට නොතීසි නිකුත් කරන ලදී. 

මහරගම නගර සභාවට තේරී පත් වූ සභිකයින් මහරගම ප්‍රදේශයේ පදිංචිකරුවන් නොවන බවත් ඔවුන් දිවුලපිටිය ප්‍රදේශයේ පදිංචිකරුවන් බැවින් එය පළාත් පාලන මැතිවරණ පනතේ ප්‍රතිපාදන උල්ලංඝනය කිරීමක් බව පෙත්සම්කරු පවසා සිටියි.

මෙම පෙත්සම මහරගම ප්‍රදේශයේ ජන්ද දායකයකු වන චන්ද්‍රසේන පෙරේරා මහතා විසින් ගොනු කර තිබුණි .

(under the courtesy of nethnews.lk news web)

පුවත්

Recent Post