අගමැති බෙන්ජමින් ඕමානයේ සංචාරයක

views 144 2018-10-28 05:36:00 world

ඊශ්‍රායලය ගල්ෆ් කලාපයේ රටවල් සමඟ සබඳතා තවදුරටත් වර්ධනය කර ගැනීමට කටයුතු කරමින් සිටින බව විදෙස් මාධ්‍ය වාර්තා කරයි.

ඊශ්‍රායල් අගමැති බෙන්ජමින් නෙතන්යාහු  ගල්ෆ් කලාපයේ රටක් වන ඕමානයේ සංචාරයක නිරත වී තිබේ.

එහිදී ඔහු ඕමානයේ නායක සුල්තාන් කාබූස් (Sultan Qabooso) හමු වී සාකච්ඡා පවත්වා ඇති බවද සඳහන් වේ.

කෙසේ වෙතත් ඊශ්‍රායල් මාධ්‍ය එම පුවත වාර්තා කළේ අගමැතිවරයා සංචාරය නිමවා යළි සිය මව්රටට පැමිණීමෙන් අනතුරුවයි.

ඊශ්‍රායල් අගමැතිවරයා ඕමානයේ සංචාරය කර ඇත්තේ පලස්තීන ජනාධිපති මහමුද් අබ්බාස් එහි සංචාරය කර දින කිහිපයකට පසුව වීම විශේෂත්වයකි.

එම සංචාරය අතරතුර  පලස්තීන ජනාධිපති ඕමාන නායකයා  හමු වී ඇති බවත් වාර්තා වේ.

අග්‍රාමාත්‍ය බෙන්ජමින් නෙතන්යාහු සමඟ ඕමාන සංචාරයට එරට බුද්ධි අංශ ප්‍රධානි ජාතික ආරක්ෂක උපදේශක ඇතුළු ජෙය්ෂ්ඨ බලධාරීන් පිරිසක් එක්ව සිටියාය.

මෙහිදී දෙරටේ නායකයින් කරුණු රැසක් පිළිබඳව සාකච්ඡා කර ඇති අතර එහිදී මැදපෙරදිග සාමය හා ස්ථාවරත්වය ළඟාකර ගැනීමට  පොදු එකඟතාවක් ඇති කරගැනීම සම්බන්ධයෙන් පවතින ගැටළු වලට අවධානය යොමු කෙරුණි.

ඊශ්‍රායල් නායකයින් මීට පෙර අවස්තාවලද ගල්ෆ් රාජ්‍යයේ සංචාරය කර ඇති බව වාර්තා වේ.

1996 වර්ෂයේදී දිවංගත නායක ෂිමොන් පෙරෙස් අගමැති ධුරයේ කටයුතු කරන සමයේදී  ඕමානයේ සහ කටාර් රාජ්‍යයේ සංචාරය කර ඇති අතර එහි ප්‍රතිඵලයක් ලෙස එම රටවල් ද්විත්වයේම ඊශ්‍රායල් වෙළඳ නියෝජිත කාර්යාල විවෘත කෙරුණි.

මේ වසර මුලදී ජ්‍යෙෂ්ඨ අරාබි බලධාරියෙකු ලෙස ඕමාන  විදේශ කටයුතු අමාත්‍යවරයා අල්-අක්සා මුස්ලිම් දේවස්ථානයේ සංචාරයකද නියැලුනාය.

මෙම සංචාරය ඊශ්‍රායලය  ගල්ෆ් කලාපයේ රටවල් සමඟ සබඳතා වර්ධනය කර ගැනීමට කටයුතු කරන ලබන බවට ලබාදෙන ඉඟියක්බව විචාරකයින් පෙන්වා දෙයි.


(under the courtesy of adaderana.lk news web)

පුවත්

  • ආරක්ෂක උපදේශිකාව ධූරයෙන් ඉවතට

    අමෙරිකාවේ නියෝජ්‍ය ජාතික ආරක්ෂක උපදේශිකා මිරා රිකාඩල් එම ධුරයෙන් ඉවත් කර තිබේ.ඒ අනුව ඇය පරිපාලන අංශය වෙත මාර
  • අධික ශීතලෙන් බලපෑම්

    ඉන්දියාවේ හිමාලයා කලාපයට ශීත කාලගුණයෙන් බලපෑම් එල්ල වී තිබේ.එහි පහළම උෂ්ණත්වය ශ්‍රී නගර් වෙතින් වාර්තා වූ අත
  • ගාසා තීරය යළි උණුසුම්

    යුද ගැටුම් හේතුවන් ගාසා තීරයේ යළිත් උණුසුම් වී තිබේ.ඊශ්‍රායලය එල්ල කළ ගුවන් ප්‍රහාරවලට ප්‍රතිචාර ලෙසින් පලස්
  • දුර්ලභ රෝස පැහැති දියමන්තියක්

    දුර්ලභ ගණයේ රෝස පැහැ දියමන්තියක් අද 13 දිනයේ ස්විට්සර්ලන්තයේ ජිනීවා හි වෙන්දේසියකදී වාර්තාගත මිලකට අලෙවි වීම
  • ලෝක නායකයින්ට ඉල්ලීමක්

    ජාතිවාදය ප්‍රතික්ෂේප කරන ලෙස ප්‍රංශ ජනාධිපති එමානුවෙල් මැක්‍රොන් ලෝක නායකයින්ගෙන් ඉල්ලා සිටියි.පළමු ලෝක යුද්

Recent Post