නව බද්දට විරෝධය පා තමිල්නාඩුවේ සිනමාහල් වසයි

views 409 2017-07-04 09:29:00 world

ජුලි 01 වන දා සිට ක්‍රියාත්මක ජී.එස්.ටී. හෙවත් නව භාණ්ඩ හා සේවා බද්දට විරෝධය පා ඉන්දියාවේ තමිල්නාඩු ප්‍රාන්තයේ 1100 ඉක්ම වූ සිනමා ශාලා ඊයේ සිට අඛණ්ඩ වැඩ වර්ජනයක් ආරම්භ කළා.

නව බදු ක්‍රමය අනුව සිනමා ශාලාවලට සියයට 18ක ජී.එස්.ටී. බද්දක් සහ සියයට 30ක නගර සභා බද්දක් ද ගෙවීමට සිදුවන අතර, එය ඉසිලිය නොහැකි පිරිවැයක් ලෙසයි සිනමා ශාලා හිමියන් ප්‍රකාශ කළේ.

මේ නිසා ප්‍රවේශපත්‍ර මිල ඉහළ නැංවීමට සිදුවන බවත්, එය තමිල්නාඩුවේ සිනමා කර්මාන්තයට තර්ජනයක් බවත් ඔවුන් වැඩිදුරටත් සඳහන් කළා.

නව බදු ක්‍රමයට එරෙහිව තමිල්නාඩු සිනමා ශිල්පීන් ද ඊයේ විරෝධතාවන්හි නිරත වී තිබෙනවා.

(under the courtesy of hirunews news web)

පුවත්

Recent Post