ෆිෂ් කේක්

views 2020-07-08 09:07:00 kitchen

රසවත් කෙටි ආහාරයකි. තේ බොන වෙලාවට වගේම උදෑසන ආහාරයටත් කදිමයි. පාසල් යන දරුවන්ගේ කෑම පෙට්ටිය සරසන්නත් ෆිෂ් කේක් යොදා ගන්න පුළුවන්.

අවශ්‍ය ද්‍රව්‍ය

තෝර මළු හෝ පරා මාළු ග්‍රෑම් 350ක්

බිත්තර සුදු මද 2ක්

ඉඟුරු තේ හැඳී 2ක්

කොත්තමල්ලි කොළ මේස හැඳී 2ක්

හාල් පිටි මේස හැඳී 3ක්

ලුණු තේ හැඳී 1ක්

ගම්මිරිස් කෑලි තේ හැඳී 1ක්

කුඩාවට කපාගත් සුදුලූනූ බික් 2ක්

 

සාදන ක්‍රමය

මාළු කුඩා කෑලි කපා ගන්න. එයට ඉඟුරු, සුදුලූනූ, කොත්තමල්ලි කොළ එකතුකර අඹරාගන්න. බිත්තර සුදු මද දෙක වෙනම ගසා ගන්න. ඉන්පසු අඹරා සකස්කර ගත් මිශ්‍රණයට බිත්තර සුදු මද, ගම්මිරිස්, හාල් පිටි සහ ලුණු එකතුකර නැවත මිශ්‍රකර ගන්න.

අත්ලට පිටි ටිකක් දවටා මේ මිශ්‍රණයෙන් කුඩා බෝල සාදා මදක් තුනී කර ගන්න. ඉන්පසු පෑන් එකක් ළිපතබා තෙල් ටිකක් දමා දෙපැත්තම බැද ගන්න. උණු උණුවෙම පිළිගන්වන්න. මේ ආහාරය සෝස් වර්ගයක් සමඟ මිශ්‍රකර ආහාරය ගැනීම වඩාත් රසවත්.

​සිංහල ලිපි

සතියේ ලග්න පලාපල