දරුවන්ට පෝෂණය සපිරි සලාද

views 2020-01-31 03:06:00 kitchen

දුවපැන ඇවිදන වයසේ පසුවන පුංචි දරුවන්, පාසල් යන පුංචි දරුවන්, විවිධ ක්‍රීඩා කුසලතාවන් දක්වන දරුවන්ගේ ආහාරවේල් පිළිබඳ අපට සුළුකොට තකන්න බැහැ. ඔවුන්ගේ ආහාරවල පෝෂණ ගුණය උපරිමයෙන් තිබිය යුතුමයි.

මවුකිරෙන් ආරම්භයේ දී මනා පෝෂණයක් ලද දරුවා අනතුරුව මවුකිරි හා අමතර ආහාර සමඟින් පෝෂණය ලබයි. දිනෙන් දින වැඩෙත්ම සෞඛ්‍ය සම්පන්න නිවැරැදි ආහාර රටාවක් කෙරෙහි හුරුකරවීම මව, පියා ඇතුළු දරුවා රැකබලා ගන්නා අයගේ වගකීමකි.

දරුවන්ගේ සෑම ආහාර වේලකම ධාන්‍ය හා පිටි සහිත ආහාර, පලතුරු, මස්, මාළු, බිත්තර, පියළි ඇට වර්ග, කිරි හෝ කිරි ආහාර, එළවළු ආදිය යම් යම් ප්‍රමාණයන්ගෙන් තිබිය යුතුය.

ක්‍රීඩා කරන දරුවන්ගේ පෝෂණය ගැන මාපියන්ට ආවාට ගියාට සිතන්නට බැහැ. එහි සියලු පෝෂණ කොටස් තිබිය යුතුමයි. එහි ප්‍රධාන ආහාරවේල් මෙන්ම කෙටි ආහාර වේල් ද ඇතුළත් වේ.

මෙවර තරුණී ‘රසාර’ වෙන්වනුයේ දරුවන් පි‍්‍රයකරන, දරුවන්ගේ පෝෂණයටම මුල්තැන දෙමින් පිළියෙල කරන සලාද වර්ග කිහිපයක් සඳහායි. මින් පෙර විවිධ සලාද වර්ග ඔබට තිළිණ කර තිබුණත් දරුවන්ට විශේෂයෙන්ම ක්‍රීඩාව කෙරෙහි උපන්හපන්කම් ඇති දරුවන් සඳහාම වූ මෙම සලාද වර්ග ඔබට නැවුම් බවක් ගෙන දේවි.

අලිගැටපේර සලාදයක්

අලිගැටපේර මේදය යහමින් අඩංගු පලතුරක්. ඉතින් පලතුරක් ලෙස රස වින්දත් සලාදයක් ලෙස රස විඳීම තරමක් ආගන්තුක වෙන්න පුළුවන්.

විවිධ රසයන්ගෙන් යුතු සලාද වර්ග පි‍්‍රයකරන දරුවාට මෙය සාදා දෙන්න.

 

අවශ්‍ය ද්‍රව්‍ය

අලිගැටපේර ගෙඩි 1 ක්

සලාද කොළ ග්‍රෑම් 200 ක්

කුඩා තක්කාලි ගෙඩියක්

ලුණු කුඩු රස අනූව

පිපිඤ්ඤා කුඩා ගෙඩියක් (ග්‍රෑම් 150 ක පමණ)

බී ලූනු ගෙඩියක් (ග්‍රෑම් 50ක්)

ඔලිව් තෙල් මේස හැඳි 1 ක්

ලෙමන් යුෂ මේස හැඳි 1 ක්

ගම්මිරිස් කුඩු තේ හැඳි 1/4 ක්

සාදා ගන්නා අන්දම

පිපිඤ්ඤා ගෙඩිය දෙපැත්තෙන් කපා තිත්ත අයින්කර පොතු හැර ගන්න. අලිගැටපේර මදය, සලාද කොළ, පිපිඤ්ඤා ගෙඩිය පොඩි කොටස්වලට කපාගන්න. ලූනු සහ තක්කාලි පොඩියට කපාගන්න. මේ සියල්ල ඔලිව් තෙල්, ලෙමන්, ගම්මිරිස් කුඩු, ලුණු එකතුකර කලවම් කරගන්න.

​සිංහල ලිපි

  • සවස තේ මේසය රසවත් කරන්නට පහසුවෙන් සාදාගත හැකි කේක්

    මේ දවස්වල පවුලේ හැමදෙනාටම දිගු නිවාඩුවක් ලැබිලා. මේ නිවාඩුව සාමාන්‍ය එකක් නොවන නිසා ගෙදර
  • බතල බැදුම

    බතල ශුද්ධකර සෝදා කහ ස්වල්පයක් දමා තම්බා ලුණු ස්වල්පයක් ද එකතු කරන්න. තැම්බුණු පසුව වතුර පෙරා
  • මාළු ඇඹුල්තියල්

    ඉන්පසු අඹරාහත් ගොරකා, ලුණු, කරපිංචා, අමුමිරිස්, එනසල්, කරාබු නැටි, ගම්මිරිස්, කහ, මිරිස් එකට එක්කර
  • ගෙදරදීම පාන් හදමු

    පෝරණු පාන්, අවන් පාන්, තැටි පාන්, රෝස්ට් පාන් ආදී වශයෙන් පාන් වර්ග කිහිපයක්ම අපට රස විඳින්න හැකියාව
  • බේබි කෝන් විත් චිකන්

    මුලින්ම චිකන් කැබලි ලෙසත්, බේබි කෝන් දික් අතට ද කපා ගන්න. චිකන් කැබලිවලට වතුර එක්කර එයට ලුණු

සතියේ ලග්න පලාපල