අළුත් විදිහකට බෝංචි හදමු

views 2017-08-16 09:31:00 kitchen

අපි ගොඩක්දෙනා පුරුදුවෙලා ඉන්නෙ බෝංචි උයල කන්නයි. ගොඩක් පොඩ්ඩො උයපු බෝංචි කන්න හරිම අකමැතියි. හැමදාම එකම විදියට කාල එපාවෙලානම් හදල බලන්න බේක් කරපු බෝංචි.

අවශ්‍ය ද්‍රව්‍ය:

    බෝංචි 350g
    ඔල්ව් තෙල් තේ හැඳි 2
    ලුණු කුඩු
    ගම්මිරිස් කුඩු
    ගාර්ලික් පවුඩර් තේ හැඳි 1/4
    ගාගත් චීස් (පාමර්සන් චීස් නම් වඩාත් සුදුසුයි)
    කැමති නම් මිරිස්කුඩු ස්වල්පයක්

සාදන අයුරු:

පළමුවෙන්ම බෝංචි සෝදා, නූල් ඇර තෙත මාත්තුකරගන්න. අවන් එක රත්වෙන්න තබන්න්න. ෆොයිල් එකක් හෝ තෙල් කඩදාසියක් දමා බේකිං ට්‍රේඑක ලයිනින් කරගන්න. එවිට ට්‍රේඑකට ඇලෙන්නෙ නැතිව බෝංචි ඉවත්කරගන්න පුළුවන්. බෝංචි ටික ලයිනින් මත වෙන් වෙන්ව තබාගන්න. ඔල්ව් තෙල් බෝංචි මතට දමාගන්න. ලුණු කුඩු, ගම්මිරිස් කුඩු සහ ගාර්ලික් පවුඩර් බෝංචි මත සමව වැටෙන සේ විසුරුවන්න. කැමති නම් මිරිස්කුඩු ටිකකුත් එකතුකරගන්න. විනාඩි 10ක් පමණ බේක් කර ඉවතටගෙන බෝංචිටික අනිත් පැත්තට පෙරලා විනාඩි 5ක් පමණ බේක් කරගන්න. අවන් එකෙන් ඉවතට ගෙන ගාගත් චීස් බේක්කරගත් බෝංචිටික උඩින් ඉසින්න.

ගෙදරදී සාමාන්‍ය ආහාර වේලකට වගේම උත්සව අවස්ථාවක අමුත්තන්ට පිළිගන්වන්නත් මෙය සුදුසුයි. උයල පුරුදු නැතිකෙනෙක්ට වුනත් විනාඩි 20කට අඩුකාලයකින් පහසුවෙන්ම හදාගන්න පුළුවන්. කන්න කම්මැලිවෙලාවක කන්න හදල බලන්න.

​සිංහල ලිපි

  • එග් ටෝස්ට්

    බඳුනක් ගෙන එයට ලුණු, ගම්මිරිස්, බිත්තර, කපාගත් ලූනු, අමුමිරිස් දමා හොඳින් කලවම් කරගන්න. දැන් බටර් ගා ගත්
  • ඉතුරුවුණු බත්වලින් Fried Rice

    උදේ උයපු බත ඉතිරිවෙලාද? ආයෙ කන්න බැහැ කියල විසික් කරන්න එපා. ඒ වෙනුවට හදල බලන්න මේ රසම
  • නෙල්ලි වලින් රසවත් බීමක් හදමුද?

    රස්නෙ දවසකට නැවුම් පලතුරු බීම වීදුරුවක් තිබෙනවා නම් කදිමයි නේද? කුඩා තරුණ මහලු කොයි කාටත් වයස්
  • කලවම් කොත්තුව

    නිවිති දලු, අමුමිරිස්, ලූනු සිහින්ව කපා ගන්න. සුදුසු භාජනයක් ලිිප තබා රත්වන විට බටර් දමන්න. දැන් බිත්තර
  • රසවත් පොලොස් මාළුවක්

    තරුණ බිරින්දෑවරුන්ට තියන ලොකු ගැටළුවක්, ඉස්සර අම්මා ගෙදර උයපු විදිහට කටට රසට පො‍ලොස් මාළුවක්

සතියේ ලග්න පලාපල