නිවසක් තැනීමේදී මුලින්ම කළ යුත්තේ කුමක්ද ?

views 2017-07-17 11:08:00 hplans_New

මුලින්ම කළුපාට හෝ ‍ලේ පාටට හුරු පස් සහිත භූමියක් හෝ කුඩා බොරළු කැට පිහිටි භූමියක් හෝ මැටි වැලි මිශ්‍ර භූමියක් තෝරා ගන්න. ඉඩම තෝරා ගැනීමේදී සැලකිය යුතු කාරණා රාශියක් වෙයි. මෙයින් නීතිමය කරුණු පාරිසරික කරුණු, වාස්තු විද්‍යාත්මක කරුණු ‍ජ්‍යොතිෂ විද්‍යාත්මක කරුණු හා සමාජීය කරුණු ගැන දැඩි අවධානයක් යොමු කිරීම ඉතා වැදගත්ය.
ඉමසකාසබට-යදමිැපක්ෂීහු කූඩු තනති. එම කූඩු සාදන්නේ පැටවුන්ගේ රැකවරණය සඳහායි. කිසිම දිනක කුරුල්ලෙකු අනාරක්ෂික ස්ථානයක කූඩු තනන්නේ නැත. ඒ සඳහා කල් යල් බලමින් පූර්ව සූදානම් වන අයුරු අපි දැක ඇත්තෙමු. මෙම කටයුත්ත අපගේ ජීවිතයට අනගි පාඩමකි. මේ කාලෙය් නිවසක් සෑදීමට සූදානම් වන බොහෝ දෙනෙකු තුළ මේ සූදානම් දකින්න නැහැ. මුදල් ටිකක් එකතු කර ගෙන ලහි ලහියේ නිවසක් තනන්නයි සූදානම් වන්නේ.

එයින් අපට විශාල වියදමක් දරන්නටත් සිදුවෙයි. කාලය සමග ‍පොර බඳින අපට විවිධ රැවටිලිවලට ද අසුවීමට ඉඩ තිබේ. නිවසක් හදන්නට පෙර ඒ සඳහා පූර්ව සූදානමක් අවශ්‍යයි. අතේ මුදල් තිබුණට ගෙයක් හදන්න බැහැ. ගෙයක් හදන්න ගෙයක හිමිකම දරන්න පෙර වාසනා මහිමය අවශ්‍යයි. සුන්දර නිවසක් තැනීමට වාසනාව ඇති දැයි කලින්ම දැන ගැනීම ඛෙහෙවින්ම ඵලදායක ක්‍රියාවකි. මෙය බොහෝ විට දැන ගත හැකි වන්නේ තමාගේ ජන්ම කේන්ද්‍රය අනුවය. ඔබේ ජන්ම කේන්ද්‍රය පරීක්ෂාවෙන් ඔබට එය බලා ගැනීමට නොහැකි වූවත් ‍ජ්‍යොතිෂාස්ත්‍රඥයකුට පෙන්වා බලාගත හැක.
ඔබගේ ජන්ම නැකත අනුව ඔබට නිවසක් ගොඩනැගීමේ වාසනාව අහිමි විය හැක. එවැනි අවස්ථාවක එම පවු‍ලේ 4 අධිපතියා හෝ 4 වැන්නේ සිටින ග්‍රහයාගේ බල මහිමය තේරුම් ගෙන ඔහුගේ නැකත් මුල්කොට නිවසක් සෑදීම සඳහා නැකත් සකස් කර ගත යුතුය.

ඔබ පවු‍ලේ එසේ බලවත් කෙනකු නොවේ නම් සුබ ග්‍රහයෙකු 4 වැන්න හරහා ගෝචර වන අවස්ථාවක් බලා නිවාසයක් තැනීම ආරම්භ කළ යුතුය. නැතිනම් 4 අධිපතියා පාප පීඩා වලින් තොරව ලග්නය 9 වැන්න හරහා ගමන් කරන අවස්ථාවක සුබ නැකතකින් නිවසක් ගොඩනගා ගැනීම ආරම්භ කළ යුතුය. හතර වැන්න අධිපතියා බලවත් වීම යනු සාමාන්‍ය අයෙකුට වටහා ගැනීම පහසු කටයුත්තක් නොවන බව සිත්හි තබාගත යුතුය. මෙහිදී ඔබ කළ යුත්තේ ගුරු උපදේශ මත ක්‍රියා කිරීමයි.

ඔබේ සිතේ ඇඳී ඇති ඒ සුන්දර සිහිනය සැබෑ කර දෙන්නට ඔබේ ‍ජ්‍යොතිෂාස්ත්‍රඥයා වෙතින් දැන ගන්නට හැකි වේවි.

ඉන්පසු සැලසුම් ශිල්පියා ඔබේ ඉඩමට රැගෙන ගොස් එහි පිහිටීම පිළිබඳ පෙන්වීම ඉතා වැදගත්. ඒ අනුව එම ශිල්පියා සතර දිශාවන් පිළිබඳ නිසි අවබෝධයක් ලබා උස් පහත් ස්ථාන දැන හැඳින ගනිමින් ඔහුගේ මූලික සැලසුම සකසා ගනී.

ඉන්පසු නිවසේ සැලසුම් ඇඳීම කළ යුතුයි. අවශ්‍ය කාමර ගණන, වැය කළ හැකි මුදල, ආදී සියල්ල පිළිබඳව නිවැරදි අවබෝධයක් පළමුව ඔබේ ගෘහ නිර්මාණ ශිල්පියාට ලබා දීම ඔබේ වගකීමක්.

සැලසුම වාස්තු විද්‍යාත්මකව සෑදීමටත් උපදෙස් දෙන්න. සමහර විට ඔබේ සැලසුම් ශිල්පියා වාස්තු විද්‍යා විෂය කෙරෙහි දැනීමක් නොමැති අයෙකු වනන්ටද පුළුවන. ඒ සඳහා ප්‍රවීණ වාස්තු විද්‍යාවේදියෙකුගේ සහය ගන්නට වෙයි.

යෝජිත සැලැස්ම පළාත් පාලන ආයතනයේ ගොඩනැගිලි රෙගුලාසිවලට අනුකූලව සකස් කරන ලද්දක් විය යුතුය. ඔබේ ඉඩම මහනගර සභා බල ප්‍රදේශයක නම් ප්‍රධාන කසළ නළවලට පල්දෝරු සම්බන්ධ කිරීමට හැකිවන ලෙස සැලසුම සාදා ගැනීමත් ඉතා වැදගත් කරුණකි.

නිවසක පීතෘ බිත්ති හා මාතෘ බිත්ති යනුවෙන් හඳුන්වන්නේ මොනවාද ?
ගෘහයක මුදුන් බිත්ති පීතෘ බිත්ති ලෙසද අනෙක් බිත්ති මාතෘ බිත්ති ලෙසද හඳුන්වනු ලබනවා. නිවසකට පීතෘ බිත්ති තුනක් යෙදීම වාස්තු විද්‍යාව විසින් අනුමත නොකරන අතර පීතෘ බිත්ති තුළින් ද්වාර තැබිමද සිදු නොකෙරේ.

මිහිකත නිදා සිටින නැකත් වලින් මුල්ගල තැබිම අශුභද?
මිහිකත සැතපී සිටින නැකත්වලින් ද නිවසක මුල්ගල තැබිම අශුභයි. මෙම නැකත් ඔබ දැනගෙන සිටීම ඉතා වැදගත් වේ. නිවසකට මුල්ගල තැබිමට ශුභ මූර්තිය යෙදී ඇති දිනයේදී රවි සිටින නැකතේ සිට සඳු සිටින නැකත දක්වා 5, 7, 9, 12, 26 ආදී නැකත්වලට අයත් වන්නේ නම් අශුභයි. මෙය මිහිකත සැතපෙන නැකත් ලෙස සලකනු ලබයි. මෙය සොයා ගැනීමට රවි එදින ගමන් කරන නැකත සොයා ගත යුතුයි. රවි සිටින නැකතේ සිට සඳු සිටින නැකතට නැකත් පිළියෙළ අනුව ගැන ගන්න. රවි සිටින නැකතද, සඳු සිටින නැකතද ගැන ගැනීමට ඇතුළත් විය යුතුයි.

බ්‍රහ්ම පාදය මත බිත්ති බැඳීම සුදුසුද ?
නුසුදුසුයි. නිවසේ මධ්‍ය ලක්ෂ්‍ය හෙවත් නිවසේ බ්‍රහ්ම පාදය යට වූ අවස්ථාවලදී ගෙදර අයට ලෙඩ දුක්, අකල් මරණ සිදුවේ. තවද ඉඩමේ මධ්‍ය ලක්ෂ්‍ය හා නිවසේ මධ්‍ය ලක්ෂ්‍යය එකම ලක්ෂ්‍යට ආ විට එම ස්ථානයට උළුවහු යටලී මූට්ටුවක්, බාල්කයක්, කුරුපාවක් ලම්භකව නොතැබිය යුතුයි. මෙම කොටස ඉතා සුද්ධ පවිත්‍රව තබා ගත යුතු කොටසකි.

.pasanliya.net



​සිංහල ලිපි

සතියේ ලග්න පලාපල