ඔබත් ආත්ම විශ්වාසය නැතිව ජීවත් වන අයෙක්ද ?
views 2018-08-06 02:38:00 Life_New
තමාට තමා පිළිබඳව විශ්වාසයක් නැති වීම හඳුන්වන්නේ ආත්ම විශ්වාසය නොමැතිකම කියලයි. ආත්ම විශ්වාසය දුර්වල වුනාම කලකිරීම් සහ මානසික පීඩාවන් ඇති වෙනවා. ඒ වගේම එදිනෙදා වැඩ සාර්ථකව කර ගන්න බැරි වෙනවා. ඒ නිසා යමෙකුට ආත්ම විශ්වාසයක් තිබීම ඉතාමත් වැදගත් කාරණයක්.
මුලින්ම මේ ප්‍රශ්න ඔබෙන් අසන්න
ඔබ ඔබේ රූපයට කැමතිද ?
ඔබේ ශරීරයේ පැහැයට සහ ස්වරූපයට ඔබ කැමතිද ?
ඔබ සාර්ථකයි කියලා ඔබට දැනෙනවාද ?
යමෙකු ඔබේ අඩුපාඩු පෙන්වා දෙනවාට ඔබ කැමතිද ?
අන් අයගේ ආදරය ඔබට දැනෙනවාද ?
ඔබ සෞඛ්‍ය සම්පන්න ජිවිතයක් ලබා ගැනීම සඳහා වැඩ කරනවාද ?
අන් අය සාර්ථක වන ආකාරය දකින විට ඔබ සතුටු වෙනවාද ?
යමෙකු ඔබට බොරු චෝදනා කරන විට ඔබට දරා ගන්න පුලුවන්ද ?
මේවායෙන් වැඩි ප්‍රශ්න ප්‍රමාණයකට ඔබේ පිළිතුර “නැහැ” නම් එයින් හැඟවෙන්නේ ඔබේ ආත්ම ශක්තිය දුර්වල බවයි.
තමන්ට ගරු කරන්න
අපි හැමෝම එකිනෙකාගෙන් වෙනස්. අපේ රූපය, දක්ෂතාවය සහ ගතිගුණ එකිනෙකාගෙන් වෙනස් වෙනවා. අපිට අපේම කියලා විශේෂත්වයක් තියෙනවා. ඒ නිසා තමා තමාටම ගරු කළ යුතුමයි. අපි අපේ දුර්වලතා ගැන හිතන එක අඩු කරලා, අපේ විශේෂතාවයන්ට ගරු කරන්න ඕනේ.
සංසන්දනය කරන්න එපා
හුඟ දෙනෙක්ගේ ආත්ම විශ්වාසය බිඳ වැටෙන්න එක් හේතුවක් තමයි තමාව එකිනෙකා සමඟ සංසන්දනය කිරීමට උත්සාහ කිරීම. ඔබ ජය ගත යුත්තේ ඔබේම ක්‍රමයට මිස, අනිත් කෙනා ජය ගත් ක්‍රම වලට නෙවේ. ආත්ම විශ්වාසයෙන් යුතුව තමන්ගේ පාරේ යනකොට ජය ගන්න ඉතා පහසුයි. අඩු ආත්ම විශ්වාසයකින් අනුන් කරන දේවල් ගැන හොය හොයා යනකොට ඔබේ ගමනේ වේගය අඩාල වෙනවා.
නොවැරදුණු කෙනෙක් නැහැ
වරදින්නේ ඔබට පමණක් නොවෙයි. මේ ලෝකයේ යුද්ධ වලින් ජය ගත් රජවරු, මහා ව්‍යාපාර ගොඩනගපු මිනිස්සු තමන්ගේ අරමුණු සාර්ථක කර ගත්තේ එක සැරේ නෙවෙයි. ඔවුන්ටත් වැරදුණා. ඒත් දිගටම උත්සාහ කිරීම මඟින් ඔවුන් ජය ගත්තා. වැරදීම කියන්නේ ආත්ම විශ්වාසය නැති කර ගන්න හේතුවක් නෙවෙයි.
යහපත් මිතුරන් ජීවිතයට තෝරා ගන්න
ඔබේ වැරදි වලට හිනාවෙන මිතුරන් නෙවෙයි, ඔබව දිරිමත් කරලා නිවැරදි මාර්ගය පෙන්වන මිතුරන්ව ජිවිතයට තෝරා ගන්න. යහපත් මිතුරන් ඔබට අත දෙනවා. එවිට ඔබේ ආත්ම විශ්වාසය වැඩි වෙනවා. ඔබේ ආත්ම විශ්වාසය වැඩි කරන මිතුරන් සමඟ වැඩිපුර ගැවසෙන්න.
අභියෝග දෙස බලා සිනාසෙන්න
ඔබේ ගමනට පැමිණෙන බාධා, ඔබට මුහුණ දීමට වන බොරු චෝදනා ගැන දුක් වෙන්න එපා. අභියෝග හැමෝටම එනවා. ඒවා ජය ගන්න එකයි වැදගත්. ඒවා ජිවිතයට ශක්තියක් කර ගෙන ඔබේ ගමන යන්න.
අන් අයට යහපත කරන්න
අන් අයට උදව් කරන්න, කරුණාවෙන් සලකන්න. ත්‍යාගශීලී තැනැත්තාට එයින් සතුටක් ලබා ගන්න පුළුවන්. දුකෙන් ඉන්න කෙනෙක්ට උදව් කළාම, හොඳින් සැලකුවම සිතට තෘප්තියක් දැනෙනවා. යහපත් දෙයක් කලාට පස්සේ ඔබටම ඔබ ගැන ආඩම්බරයක් දැනෙනවා. ඒ තෘප්තිය සහ ආඩම්බරය සමඟ ඔබේ ආත්ම විශ්වාසය දියුණු වෙනවා.
ඵලදායී යමක නිරත වන්න
ඔබේ ජීවිතය ගෙවන්නන් වාලේ ගෙවන්න එපා. අන්තර්ජාලයේ සැරිසරමින් කාලය නාස්ති කරන එක අඩු කරන්න. ඒ වෙනුවට ඔබේ අනාගතය වෙනුවෙන් යමක් කරන්න. රැකියාවක් කරන්න. නැති නම් ඔබේම සුළු ව්‍යාපාරයක් පටන් ගන්න. මොනවා හෝ අළුත් යමක් ඉගෙන ගන්න. පිළිගත් පාඨමාලාවක් හදාරන්න. එවිට ඔබටම ඔබ ගැන වටිනාකමක් දැනෙන්නට පටන් ගනීවි.
පහසු ඉලක්ක හඹා යන්න
සමහරුන් ඉටු කර ගැනීමට අපහසු ඉලක්ක ඇති කරගෙන ඒවා ඉටු කර ගැනීමට නොහැකි වීම ගැන දුක් වෙමින් තමන්ගේ ආත්ම විශ්වාසය බිඳ ගන්නවා. තමාට ඉටු කර ගැනීමට පහසු කෙටි ඉලක්ක ඇති කර ගනිමින් ඒවා හඹා යන්න පුරුදු වන්න. එවිට ඔබේ සාර්ථකත්වය නොදැනීම ඔබට ලං වේවි.
සමාජය තුල ප්‍රියමනාප පුද්ගලයෙකු වන්න
ඔබට උපතින් ලද රූපය වෙනස් කිරීමට උත්සාහ කරනවට වඩා තිබෙන රූපය ආරක්ෂා කර ගැනීමට උත්සාහ කරන්න. ප්‍රියමනාප ලෙස විලාසිතා කරන්න. පිළිවෙලට ජිවත් වෙන්න. සෞක්‍යාරක්ෂිත ආහාර වලට පුරුදු වෙමින් ඔබේ බර පාලනය කරන්න. අනුන්ගේ ආදරය සහ ගෞරවය ඔබට ලැබෙන විට ඔබේ ආත්ම විශ්වාසය ඉහල යාවි.
සිංහල ලිපි
-
හිතවතුන්ට ඔබ කිව යුතුම, නමුත් කවදාවත් නොකියන දේවල් 7ක්
2018-08-11 11:15:00 Views 543 Read More...ඔබ ඔබේ හිතවතුන්ට සමහර දේවල් නොකියා සඟවනවා. ඒත් ඒ දේවල් කිව යුතුම දේවල්. හිතවතුන් අමනාප වෙයි
-
ඔබත් ආත්ම විශ්වාසය නැතිව ජීවත් වන අයෙක්ද ?
තමාට තමා පිළිබඳව විශ්වාසයක් නැති වීම හඳුන්වන්නේ ආත්ම විශ්වාසය නොමැතිකම කියලයි. ආත්ම විශ්වාසය
-
සාර්ථක ගෘහ පාලනයකට ටිප්ස් 6ක්
අතීත ගෘහණියගේ ප්‍රධාන කාර්යය ගෘහ පාලනය කිව්වොත් නිවැරදියි. ඒත් අද තියෙන ආර්ථික රටාවත් එක්ක පවුලේ -
බය නැතුව “නැහැ”, “බැහැ” කියන්න ඵලදායී ක්‍රම 10ක් – 1 කොටස
ගොඩක් දෙනා “නැහැ”, “බැහැ” කියන වචන දෙක කියන්න හරිම බයයි. අනිත් කෙනා අමනාප වෙයි කියලා බයට -
ගොඩක් කාන්තාවන් ගෘහස්ත හින්සනයට ලක් වෙන්නේ දුර්වල පෞර්ෂය නිසයි
අපි අහල දැකල තිබෙනවාට වඩා ගොඩක් කාන්තාවෝ අපේ රටේ ගෙවල් වල මානසික නින්දා වලට, කායික හිංසා -
බඳින්න හදිස්සි ද? මේ ගැනත් හිතන්න…
නීතිය නොදැනීම හෝ ඒ ගැන වැඩිපුර ගනන් නොගැනීම හේතුවෙන් බොහෝ කාන්තාවන් තමන්ගේ විවාහය හා -
ඔබ ආදරය කරන ඇය ගැන, ඔබ නොදන්නා දේ
1. හැකි සෑමවිටකම ඇයව ඔබට තුරුල්කරගන්න.2. ඇයත් සමඟ හැකිතරම් කතාබහ කරන්න.
