නොදැනුවත්කම නිසා කෙස් ගස් ගැලවෙන්නේ මෙහෙමයි

views 2017-03-05 03:34:00 Hair_New

හිසකෙස් ගැලවිලා යන එක ලෝකයේ කාන්තාවන් සීයට 93කට තියෙන මහ විශාල ප්‍රශ්නයක්. සමහර අයගෙ කෙස් අහුරු පිටින් ගැලවිලා යන අවස්ථාත් තියෙනවා. මේ ගැන වර්ල්ඩ් හෙල්ත් කියන වෙබ් සයිට් එක වැදගත් කරුණු කීපයක් අනාවරණය කරලා තියෙනවා. වර්ල්ඩ් හෙල්ත් කියන විදියට නම් සාමාන්‍යයෙන් ඕනෑම කෙනකුගේ දවසකට කෙස් ගස් 30 - 50 අතර ප්‍රමාණයක් ගැලවෙනවා. ඒක ලෙඩක් නෙවෙයි. වැඩිපුරම කෙස් ගැලවෙන්නේ කොණ්ඩය පීරන වෙලාවට සහ නාන වෙලාවට. ඒ වගේම සමහර අයගෙ කෙස් ගැලවී යෑම කාලය අනුව වෙනස් වෙනවා. ඒ කියන්නෙ සමහරුන්ගෙ සමහර මාසවල කෙස් ගැලවීම වැඩියි. සමහර මාසවල කෙස් ගැලවෙන්නෙ නැති තරම්. ඒකත් සාමාන්‍ය දෙයක්. නමුත් අසාමාන්‍ය විදියට කෙස් ගැලවී යෑම ප්‍රතිකාර ගත යුතු තත්ත්වයක් කියලයි ඒගොල්ලො කියන්නෙ. සාමාන්‍යයෙන් කොණ්ඩය ඩයි කරන අයගෙ කෙස් ගැලවීම ටිකක් විතර වැඩියි. ඒ වගේම ඩයි පාවිච්චි කරන සමහර අය දවස් දෙක තුනකට වතාවක් කොණ්ඩය ඩයි කරනවා. ඒක හොඳ දෙයක් නෙවෙයි. වෛද්‍ය නිර්දේශයට අනුව ඩයි පාවිච්චි කරන්න ඕනෙ සති දෙකකට වරක් විතරයි. ඒ කියන්නේ මාසයට දෙපාරයි. ඩයි කිරීම් දෙකක් අතර කාලය අවම වශයෙන් සති දෙකක් නොවුණොත් කෙස් ගැලවී යෑමේ වේගය වැඩි වෙන්න පුළුවන් කියලා තමයි ඒ අය කියන්නෙ. ඊට අමතරව නිතර 'හොට් ටූල්ස්' පාවිච්චි කරන එකත් හොඳ දෙයක් නෙවෙයි. හොට් ටූල්ස් කියලා කියන්නෙ හෙයාර් ඩ්‍රයර් එක, හෙයාර් අයන් එක, හොට් ෆර්මිං ටූල් එක වගේ දේවල්. ඒ වගේ දේවල් පාවිච්චි කළාට කමක් නැහැ. හැබැයි නිතර නිතර නෙවෙයි. නාලා ඉවර වෙලා කොණ්ඩය වේළ ගන්න ඕනෙ නම් ස්වාභාවික විදියට වේළෙන්න දෙන්න. අවශ්‍යම වෙලාවකදී විතරක් හෙයාර් ඩ්‍රයර් එක පාවිච්චි කරන්න. සතියකට දවස් පහක් නානවා නම් අඩුම තරමෙ දවස් තුනක් වත් ස්වාභාවික විදියට කොණ්ඩය වේළෙන්න දෙන්න කියන එක තමයි වෛද්‍ය නිර්දේශය. එතකොට හෙයාර් අයන් එක නම් පාවිච්චි නොකරන තරමට හොඳයිලු. අයන් එකෙන් වෙන්නෙ කෙස් ගස් ඉතා ඉහළ උෂ්ණත්වයකට රත් වෙලා ඍජු වෙන එකයි. කොණ්ඩය නිතර නිතර ඒ වගේ ඉහළ උෂ්ණත්වයකට රත් කිරීමෙන් කෙස් ගස් මැදින් කැඩිලා යන්න තියෙන සම්භාවිතාව වැඩියි. ඒ කියන්නෙ කාලයක් යද්දි කෙස් ගස් දිරලා වගේ මැදින් කැඩෙනවා. ජීවිත කාලෙම කොණ්ඩය ස්ට්‍රේට් කරන අයගෙ මේ තත්ත්වය දකින්න පුළුවන් වෙනවා. සැලොන්වල ලොකු හෙල්මට් එකක් වගේ උපකරණයක් තියෙනවා ඔයගොල්ලො දැකලා ඇති. ඒකෙ ඔළුවෙ නවාගෙන විනාඩි ගණනාවක් ඉන්න ගැහැනු ළමයින්වත් දැකලා ඇති. ඒකෙන් කරන්නෙ කොණ්ඩය කර්ල් කරන එකයි. කොණ්ඩය පුංචි පුංචි ප්ලාස්ටික් රෝල්වල ඔතලා ඔළුවට තියලා අර ලොකු හෙල්මට් එක වගේ එක ඔළුව උඩින් නවලා තියනවා. විනාඩි 45ක් විතර පස්සෙ ඒක ගැලෙව්වාම කොණ්ඩේ කර්ල් වෙලා තියෙනවා. මේකෙන් වෙන්නෙත් කෙස් ගස් රත් වෙන එකයි. මේ වගේ දේවල් නිතර පාවිච්චිය කෙස් ගැලවී යෑමට හේතුවක් වෙනවා. ඒ වගේම කොණ්ඩය කලර් කරන එකත් හිතන තරම් හොඳ දෙයක් නෙවෙයි. සමහර තරුණියන් ස්වාභාවික කළු පාට තියෙද්දි ඒක මතුපිටට තමන්ට කැමැති කලර් එක දා ගන්නවා. ඒත් සමහර අය කොණ්ඩය කලර් කරන්නෙ එහෙම නෙවෙයි. ඉස්සෙල්ලා ස්වාභාවික කළු පාට සම්පූර්ණයෙන්ම අයින් කරනවා. ඒක කරන්නේ රසායනික ද්‍රව්‍ය පාවිච්චියෙන්. ඊට පස්සෙ තමයි තමන්ට ඕනෙ කරන කලර් එක දාගන්නෙ. මේ දෙවැනි ක්‍රමය තාමත් ලංකාවෙ ගොඩක් ප්‍රසිද්ධ නැහැ. නමුත් එහෙම කරන තැන් තියෙනවා. ඒක කොණ්ඩයට බොහොම අවදානම් දෙයක්. ඒකෙන් කොණ්ඩයේ ජීවය සීයට හැට පහකින් විතර විනාශ වෙනවා. හොඳම උදාහරණය තමයි හොලිවුඩ් නිරූපිකා කයිල් ජෙනර්. එයා එයාගෙ ස්වාභාවික කළු කොණ්ඩයේ කළු පැහැය සම්පූර්ණයෙන්ම ඉවත් කරලා තියෙන්නේ. කලින් කියපු දෙවැනි ක්‍රමය මඟින්. ඒක හරියට හමේ තියෙන මෙලනින් වර්ණකය ඉවත් කරලා සම සුදු කර ගන්නවා වගේ දෙයක්. පසුකාලීනව පිළිකා ඇති වෙන්න පවා ඉඩ තියෙනවා. 'හැම තිස්සෙම නාලා ඉවර වෙලා කොණ්ඩය පිස දමන්න කොට්න්, ඒ කියන්නෙ කපු රෙදිවලින් හදපු තුවායක් පාවිච්චි කරන්න. ඇත්තටම කියනවා නම් කපු රෙදිවලින් හදපු තුවා නැහැ. ඒ නිසා ඔයගොල්ලන්ට සිද්ධ වෙනවා නාලා ඉවර වෙලා පිරිසුදු කපු ඇඳුමකින් කොණ්ඩය පිස දමන්න. නයිලෝන් හෝ ෆයිබර් වගේ රෙදිවලින් මහපු තුවාවලින් කොණ්ඩය පිස දැමීමත් කෙස් ගැලවෙන්න හේතුවක්. අනෙත් කාරණය තමයි පුළුවන් තරම් හිත සන්සුන් කර ගන්න. හිත නොසන්සුන් වීමත් අධික ලෙස කෙස් ගැලවෙන්න හේතුවක්. ඒ කියන්නෙ මොන ප්‍රශ්නෙ ආවත් මොළේ කචල් කර ගන්න එපා. ඒ ගැන වැඩිය හිතන්න යන්නත් එපා. හිත කරදර වෙද්දී කෙස් ගැලවී යෑම විතරක් නෙවෙයි මුළු ශරීරයේම පරිවෘත්තීය ක්‍රියාවලියට බලපෑම් ඇති වෙනවා

curtesy :sithmalyaya.com

​සිංහල ලිපි