දෙපා පිරිසිදුව තබාගන්න

views 2017-09-13 11:10:00 BEAUTY

අපි හොඳින් ම දන්න දෙයක් තමයි අද සමාජයේ බොහෝ තරුණ තරුණියන්ගේ තමන්ගේ මුහුණ පියකරුව තබා ගැනීම සඳහා ඕනෑ තරම් කැප කිරීම් කරන බව. සමහරුන් මේ වෙනුවෙන් දහස් ගණන් මුදල් වෙන්කිරීමට පසුබට වෙන්නේත් නෑ. අපි අපේ ශරීරයේ මුහුණට විතරක් මේ විදියට අවධානය යොමු කිරීම ප‍්‍රමාණවත් නෑ කියලා මේ ලිපි පෙ‍ළින් පස්සේ ඔබත් වටහා ගනීවි. ඕනෑම කෙනෙක් තමන්ගේ ශරීරයේ සෑම අවයවයක් ම පිරිසුදුව, පිළිවෙළට තබාගෙන ඉන්නව නම් තමයි ඔහුගේ ඇය ලස්සන වෙන්නේ. අද සිට අපේ අවධානය යොමුවෙන්නේ මුහුණ අලංකාර කරගත්තා සේම ඔබේ දෙපා අලංකාරව තබාගන්නේ කෙසේද යන්න ගැනයි. දෙපය කියල කියන්නේ අපේ ශරීරයේ බර දරා සිටින ඉතාම වැදගත් ශරීරාංගයක්. දෙපය අලංකාරව තබා ගැනීම වගේම සෞඛ්‍ය සම්පන්නව ශක්තිමත්ව තබා ගැනීමත් අතිශයින් ම වැදගත්. එහෙත් බොහෝ දෙනා තමන්ගේ මුහුණට දක්වන ආදරය. රැුකබලා ගැනීම දෙපයට දක්වන්නේ නෑ. නමුත් අපිව දරා සිටින අපිට ඇවිදීමට උපකාරී වන දෙපයේ වටිනාකම කොතෙක්ද කියා ඔබ නිකමට හෝ හිතා බැලූවාද? එසේ නොසිතුවා නම් දැන් ඒ ගැන සිතන්නට කාලය ඇවිත්. අපි අපේ අතීත සමාජයේ යම් යම් සාම්ප‍්‍රදායික කියමන් ගැන අවධානය යොමු කළොත් ඔබ අහලා ඇති සමහරු කියනවා මනමාලියෙක් බලන්න ගියත් ඉස්සරලම හොඳින් බලන්න ඕන කකුල් දෙක දිහා කියලා. කකුල් දෙක පිරිසුදුයි නම් අපිළිවෙළයි නම් අනිත් දේවල් ගැන අහන්න දෙයක්. බලන්න දෙයක් නෑ කියලයි ඔවුන් හිතුවේ. ඇත්තටම මේ කියමන කොයි තරම් සත්‍යය ද? නමුත් අද මේ තත්ත්වය අපේ තරුණ තරුණියන් අතින් බොහෝ දුරට පැහැර හැරෙනවා. ඒ නිසා අපි අපේ අවධානය මෙවර යොමු කරනුයේ දෙකකුල් පිරිසුදුව. පිළිවෙළට නඩත්තු කරන්නේ කොහොමද යන්න ගැනයි. මුලින් ම අපි හඳුනාගත යුතුවන්නේ දෙකකුල් අපිරිසිදුවන, අපිළිවෙළ වන හේතු මොනවාද යන්න පිළිබඳය. පළමු වැනි කාරණාව විදියට අපි හඳුනාගත යුතු වන්නේ අපි දෙකකුල් වලින් සිට ගන්නේ ඉඳ ගන්නේ ඇවිදින්නේ දුවන්නේ නිවැරැුදි ඉරියව්වෙන් ද යන්න පිළිබඳව ය. නිවැරදි ඉරියව්වෙන් සිට ගත්තේ නැතිනම් දෙකකුල් ආබාධයට, වෙහෙසට පත්වෙනවා. විශේෂයෙන් රැුකියාවකට යන කෙනෙකුට මේ තත්ත්වය දැඩි ලෙස බලපානවා. රැකියාවේ ස්වභාවය ද මේ සඳහා හේතු වන අවස්ථා තිබෙනවා. අපි හිතමු ඔබ ආරක්ෂක අංශයේ සේවය කරන කෙනෙකු කියා. ඇත්තටම ඔබගේ රැකියාවේ ස්වභාවය හේතුවෙන් දවසේ වැඩිපුර කාලයක් සිටගෙන සිටීමට සිදුවනවා. මෙවැනි හේතු නිසා කකුලේ නහර ගැට ගැසීම, හන්දි ඉදිමීම වැනි රෝගී තත්ත්වයන්ට ඔබේ දෙකකුල් ලක්විය හැකියි. මෙවැනි අය විශේෂයෙන් ම පැය 1‍/2 ට වරක් වත් ඉරියව්ව වෙනස් කර දෙපයට විවේකයක් ලැබෙන අයුරින් කටයුතු කළ යුතුයි. අනෙක් කාරණාව තමයි දෙකකුලේ පිරිසුදු භාවය වෙනුවෙන් චැාමජමරු, පැබසජමරු වැනි සත්කාර මාසයකට සැරයක්වත් කළ යුතු යි. බොහෝ දෙනෙක් මේ සඳහා උනන්දුවක් නොදක්වන්නේ ඒ සඳහා විශාල මුදලක් දැරීමට සිදුවනවා යන මතයත් නිසා ය. එහෙත් මෙවැනි සත්කාර කරගැනීම සඳහා රූපලාවණ්‍යාගාරයකටම යා යුතු නොවෙයි. එය ඒ පිළිවෙළට ම ඉතාම අඩු මුදලකින් ඔබට නිවෙසේ දීම කර ගත හැකියි‍. ඔබ රූපලාවණ්‍යාගාරයකට ගියහොත් මේ සඳහා සැකැවින් ම රුපියල් 2000, 2500 ක වැනි මුදලක් වියදම් කළ යුතුයි. නමුත් ඒ සඳහා අවශ්‍ය වන කුඩා උපකරණ ටික රු. 500/= ක් වැනි මුදලකට දැන් ඔබට මිලදී ගත හැකි ය. ඒක ඔබට බොහෝ කාලයකටම ස‍ෑහේ. ඒ නිසා දෙපයට එවැනි සත්කාරයක් කිරීම ඇත්තටම අත්‍යාවශ්‍ය කරුණක්.



​සිංහල ලිපි

සතියේ ලග්න පලාපල