ලස්සන වෙන්න කන්න නෙල්ලි

views 2017-08-10 10:09:00 BEAUTY

නෙල්ලි  (Indian Gooseberry)ඉතාමත් ගුණදායක පලතුරක් වුණත්, බොහෝ අය අතර එතරම් ප්‍රසිද්ධ නැත්තේ එහි ඇති තිත්ත රස නිසයි. නමුත් රෝග මඬින්නට පමණක් නොව නෙල්ලි රුව වඩන්නත් උදව් වනවා.

ඖෂධ සඳහා අමු නෙල්ලි හා වියළි නෙල්ලි වශයෙන් ගනු ලබයි. හිසකෙස් වර්ණක හා හිසකෙස් වල ආලේප කරන තෙල් නිපදවීමේදී භාවිතා කරයි. මෙය ආයුර්වේද ප්‍රතිකාර වලදී ඉතා වැදගත් ඖෂධයකි. දර්ශනීය ශාකයක් වන නෙල්ලි විශේෂයෙන් උද්‍යාන අලංකරණයේදී යොදාගනී. අමු හා වියළි ගෙඩිද, කොළ, පොතු, මල් හා ඇටද ඖෂධ වශයෙන් ගනී. ඇසට හිතකර, කෙස්‌ වැවීමට උපකාරී වන ඖෂධයකි. හෘදය ශක්‌තිමත් කරන අතර ලේ පිරිසිදු කරයි. කෑම අරුචිය නසයි.

ආයූර්වේද ප්‍රතිකාර ක්‍රමයේදී බහුලව භාවිත කරන නෙල්ලි, රුධිරගත කොලෙස්ටරෝල් මට්ටම අඩු කිරීමට විශාල දායකත්වයක් සපයනවා. ඒ වගේම, දියවැඩියාව, පිළිකා, අජීර්ණ, හන්ධිපත් රුදාව ආදී රෝගවලට ප්‍රතිකාර කිරීමේදීත්, ආයූර්වේදයේ නෙල්ලි යොදා ගන්නවා. නෙල්ලි වල විටමින් “සී” බහුල වේ. නෙල්ලි අමුවෙන් කෑමෙන් දත්මුල් වලින් ලේ ගැලීම නතර කර ගැනීමට හැකිවේ.

ප්‍රතිශක්තිකරණ පද්ධතිය ශක්තිමත් කිරීමට, ඇස් පෙනීම වැඩි දියුණු කිරීමට, ආහාර ජීර්ණය පහසු කරවීමට, වයස්ගත වීමත් සමඟ සමේ ඇතිවන ලප කැලැල් ඉවත් කරවීමට මෙන් ම, කාන්තාවන්ට ඇති වන ඔසප් වේදනාව අඩු කිරීමටත් දායක වෙනවා. නෙල්ලි ශීත ගුණයෙන් යුක්ත වන අතර දාහය (දැවිල්ල) සමනය කිරීමේ හැකියාවද පවසයි.

ශරීරය වර්ණවත් කර ගැනීම සඳහා වේලුණු නෙල්ලි උපයෝගී කරගනු ලබයි. අමු නෙල්ලි තලා හෝ කැබලි වලට කපා රාත්‍රියේ වතුරට දමා උදෑසන බීමෙන් සම ලස්සන වේ. අමු නෙල්ලි නිතර කැමට ගැනීමෙන් ඇස්වල දීප්තිය ඇතිවේ.

නෙල්ලි තැම්බූ වතුරින් හිස සේදීමෙන් හිසකෙස් වැටීම වලකන අතර හිසකෙස් වලට දීප්තියක් ලබාදේ. හිසකෙස් වර්ධනය කරයි. අකලට හිසකෙස් සුදුවන අය නෙල්ලි තම්බා හිස සේදීමෙන් හිස කෙස්වල සුදු පැහැය වලක්වන අතර, සුදු වූ හිස කෙස් දුර්වර්ණ වී යයි. එම නිසා හිස කෙසේ සුදු වන අයට නෙල්ලි අපූරු ගුණ දෙන ඖෂධයකි.

නෙල්ලි අමුවෙන් කන්න අකමැති නම් බීම, ජෑම් ආදී ලෙස සකසා ප්‍රයෝජනයට ගත හැකියි. අඩු මුදලටවැඩි ගුණයක් ලබා ගත හැකි නෙල්ලි වලින් උපරීම ප්‍රයෝජනයක් ලබා ගන්න අමතක කරන්න එපා.

Wmqgd .ekSu iriúh mqj;a m; weiqfrks

​සිංහල ලිපි

සතියේ ලග්න පලාපල