පොලිසියට කට්ටි පැන්න ස්ටැන්ලි අරුන්දිකගේ නිවෙසෙන් එළියට

0 Apr 09, 2019 09.12am Gossip

මත්කුඩු ජාවාරමක් සම්බන්ධයෙන් අත්අඩංගුවට ගැනීමට සොයමින් සිටි හලාවත නගර සභාවේ ශ්‍රී ලංකා පොදුජන පෙරමුණු මන්ත්‍රී වර්ණකුලසූරිය ස්ටැන්ලි ලුවිස් ප්‍රනාන්දු නමැත්තා පාර්ලිමේන්තු මන්ත්‍රී අරුන්දික ප්‍රනාන්දු මන්ත්‍රීවරයාගේ නිවසේ සිට ඊයේ(8) දහවල් පිටතට පැමිණෙන විට දී අත්අඩංගුවට ගත් බව පොලිසිය පවසයි.

පාර්ලිමේන්තු මන්ත්‍රී අරුන්දික ප්‍රනාන්දු මන්ත්‍රීවරයාගේ දංකොටුවේ පිහිටි නිවසට සැකකාර නාගරික මන්ත්‍රීවරයා ඊයේ(8) පෙරවරුවේ පැමිණි බව රාජ්‍ය බුද්ධි සේවයට ලද තොරතුරකට අනුව මීගමුව කොට්ඨාස අපරාධ විමර්ශන ඒකකයේත් රාජ්‍ය බුද්ධි සේවයේත් නිලධාරීන් කණ්ඩායමක් පැය දෙකකට ආසන්න කාලයක් එම නිවස ඉදිරිපිට රැකවල් ලාගෙන සිට අත්අඩංගුවට ගැනීම කළ බව උසස් පොලිස් නිලධාරියෙක් සඳහන් කළේය.

නාගරික මන්ත්‍රීවරයාත් ඔහුගේ පුතාත් මත්කුඩු ජාවාරමේ නිරතව සිටින බව මීගමුව කොට්ඨාස අපරාධ විමර්ශන ඒකකය විසින් අනාවරණය කර ගන්නේ පසුගිය මාර්තු 23 වෙනිදාය. ඒ මීගමුව කට්ටුවාපිටිය ප්‍රදේශයේ දී හෙරොයින් කිලෝ 01 යි ග්රූම් 08 ක් සමඟ අත්අඩගුවට ගත් සැකකරුවකුගෙන් ප්‍රශ්න කිරීමකදීය. ඒ අනුව හලාවත ඒත්තු කාලේ දී එම හෙරොයින් තොගය මීගමුවේ සැකකරුට ලබාදුන් පුද්ගලයාව අත්අඩංගුවට ගෙන ඇත. නාගරික මන්ත්‍රීවයාත් ඔහුගේ පුතාත් හෙරොයින් තොගය තමන්ට ලබාදුන් බව ඒත්තුකාලේ දී අත්අඩංගුවට ගත් සැකකරු ප්‍රශ්න කිරීමේ දී හෙළිකර තිබිණි.

තවත් හෙරොයින් පාර්සලයක් නාගරික මන්ත්‍රීවරයා අත තිබුණු බව ද එහි දී ඒත්තුකාලේ දී අත්අඩංගුවට ගත් සැකකරු හෙළිකර තිබිණි. ඒ අනුව මන්ත්‍රීවයාවත් ඔහුගේ පුතාවත් අත්අඩංගුවට ගැනීමට සොයමින් සිටිය දී ඔවුන් මෙතෙක් කලක් නිවසින් පළාගොස් තැන තැන සැඟවී සිටි බව පොලිසිය සඳහන් කරයි.


( උපුටා ගැනීම දිනමිණ පුවත් පත ඇසුරෙනි)

පුවත්

Recent Post