සෑම ප්‍රධාන රෝහලකම ඩෙංගු රෝගීන් සිය ගණනක්‌

0 Jun 18, 2017 10.11am Gossip

රට තුළ ශීඝ්‍රයෙන් පැතිර යමින් පවතින ඩෙංගු උණ රෝගය හේතුවෙන් සෑම ප්‍රධාන රජයේ රෝහලකම ඩෙංගු රෝගීන් සංඛ්‍යාවක්‌ මෙම දිනවල ප්‍රතිකාර ලබමින් සිටින බව රෝහල් ආරංචි මාර්ග පැවැසීය.

කොළඹ ජාතික, උතුරු කොළඹ ශික්‍ෂණ (රාගම), දකුණු කොළඹ ශික්‍ෂණ (කළුබෝවිල) ඇතුළු රට පුරා ප්‍රධාන රෝහල්වල මෙම තත්ත්වය පවතින බව එම ආරංචි මාර්ග කීහ.

මේ දිනවල දිවයිනේ බොහෝ ප්‍රදේශවල පවතින කඩින් කඩ වර්ෂාව ඩෙංගු මදුරුවන් බෝවීම වේගවත් කිරීමට හේතුවී ඇති අතර පසුගියදා හටගත් ගං වතුරට යටවූ ළිං හා ජල මූලාශ්‍රවලද ඩෙංගු මදුරුවන් බෝවීමේ අවදානමක්‌ පවතින බව වසංගත රෝග විශේෂඥයෝ ප්‍රකාශ කර සිටිති.

මෙම තත්ත්වය මත තම නිවාස, ආයතන, රෝහල් ඇතුළු පරිශ්‍රයන් ඩෙංගු මදුරුවන් බෝවන නොවන අයුරින් ශුද්ධ පවිත්‍ර කිරීම මහජනතාව හා බලධාරීන් සතු වගකීම වන බව ඔවුහු කියා සිටිති.
 
(දිවයින පුවත්පත ඇසුරෙනි)

පුවත්

Recent Post